Notícies Veir istoric
Dimenjada damb fòrça activitats en Vielha
Activitats entà toti e totes en cap-lòc aranés.
Entà d’aguesta dimenjada d’agost, des der Ajuntament de Vielha e Mijaran s’an preparat activitats entà tota era familha.
Aué diuendres dia 18 d’agost, se realizarà teatre d’animacion infantil e familhau ena part nauta dera Avenguda Pas d’Arró, jos eth nòm “Ronda de cançons”.
Eth grop de marcha nordica se torne a amassar aguest dissabte dia 19 as 09:30 ores ena plaça dera glèisa entà realizar ua gessuda damb toti aqueri interessadi. Pera tarde deth madeish dissabte ena plaça Mosen Joan Casseny se realizaràn jòcs infantils de 17 ores a 21 ores e as 18 ores era plaça dera glèisa de Vielha acuelherà balhs aranesi a cargue dera Còlha Santa Maria de Mijaran.
Eth dimenge dia 20 tanben se realizaràn jòcs infantils ena plaça Mosen Joan Casseny.
Ath delà, pendent es dies 17, 18, 19 e 20 d’agost se celèbre en Vielha era dusau edicion deth mercat artesanau “Hèt a man, hèt aciu”. Se tracte d’ua hèira artesanau qu’a coma objectiu era promocion des mestieraus e es productes dera Val d’Aran. Era hèira tanben compdarà damb stands e damb talhèrs organizadi pes participaires deth mercat. Er orari dera hèira serà de 10:30ores a 14:30 ores, e de 16:30 ores a 21ores.