Notícies Veir istoric
Comunicat der Ajuntament de Vielha e Mijaran
Vielha e Mijaran encete aué tres dies de dò oficiau e demoren suspenudi toti es actes oficiaus pendent aguesti dies
Ager en Barcelona, un atemptat terrorista s’emportèc era vida de 13 persones e ne deishèc més de 100 herides.
Coma mòstra de refús ad aguest atac e a toti es que malerosament se produsissen en mon, mos amassam aué aciu, vesins e vesines de Vielha e Mijaran e de tota era Val d’Aran, en aguest acte conjunt des institucions araneses, Ajuntament de Vielha e Mijaran e Conselh Generau d’Aran, en solidaritat damb es victimes e es sues familhes.
Atau madeish, volem tanben manifestar tot eth nòste supòrt as herits en intent d’atempat produsit en Cambrils aguesta maitiada.
Auem de respóner damb unitat e damb valentia e coratge ath deuant dera mòrt d’innocents damb aguesti atacs covards e totalment injustificadi. Auem de gésser tath carrèr entà que veiguen que non les auem pòur, que coma societat jamès acceptaram n’era mòrt n’era violéncia, venguen d’on venguen. Jamès.
Vielha e Mijaran encete aué tres dies de dò oficiau e demoren suspenudi toti es actes oficiaus pendent aguesti dies, en memòria de totes es victimes e coma mòstra dera nòsta mès energica repulsa ad aguesti atacs.