Notícies Veir istoric
Vielha e Mijaran s’assolide coma camp base deth trail running
Era prumèra edicion deth Dynafit Trail Vielha-Molières cride era atencion des corredors gràcies as 3.010 m d’altitud que coronen eth Tuc de Molières.
Era revista especializada en trail running, Trail Run, a lançat un reportatge sus era participacion en Trail Vielha-Molières a on destaque era carrèra coma ua des melhores pròves deth Pirenèus.
Vielha e Mijaran siguec eth junhsèga passat eth scenari d’ua naua carrèra entàs amants deth adrenalina sus es montanhes. Era Dynafit Trail Vielha-Molières a atrèt a corredors de diferenti punts geografics entà recórrer es 3.010 mètres d’altitud, ua chifra que en crestes solaments pòt trobar-se enes nòsti Pirenèus o en Sierra Nevada.
En article destaquen qu’es participaires trobèren en Trail Vielha-Molières tot aquerò que les agrade entà ua bona amassada de trail running: grani desnivèus positius e negatius, perfils afilats, corbes de nivèu fòrça amassades. Ua des caracteristiques que mès destaquen, ei era beutat des païsatges dera Val d’Aran. Tanben soslinhen, qu’era organizacion e era seguretat der eveniment siguec impecable.
Atau, encara qu’aguesta val de vals se coneishe principauments per èster un punt neuràlgic en çò que tanh a espòrts iuernaus, pendent era rèsta der an era Val d’Aran contunhe coma un paradís de referéncia entàs esportistes outdoor donques qu’ei assolidat coma eth lòc perfècte entà practicar senderisme, mountain bike, rafting, trail running, enduro, entre fòrça auti.
Ath delà, Vielha a un protagonisme especiau donques qu’ère eth punt de gessuda e arribada dera carrèra Dynafit Trail Vielha-Moliéres. Atau madeish, ei en Vielha a on se concentren era major part de lotjaments e auti servicis, coma comèrci e restaurants, toti eri damb ua ampla aufèrta gastronomica. Ei per tot açò e pes installacions deth municipi, que Vielha s’assolide coma camp base deth trail running.
Per tot açò, segons paraules d’Alberto López còsso d’espòrts der Ajuntament de Vielha e Mijaran: “Aguesta carrèra de trail running a agut fòrça bon acuèlh entre es abitants dera Val d’Aran. Volem destacar er impecable trabalh dera organizacion e toti es volontaris. Eveniments esportius d’aguesta índole convertissen a Vielha e Mijaran en un des punts neuràlgics entara practica deth trail running en territòri.” López tanben soslinhe que “ demoram que i agen mès es carrères a organizar, pr’amor que toti es amants deth trail runing poguen vier a gaudir des impressionantes panoràmiques que i a en cada cresta d’aguesta val de vals”
30/08/2017