Notícies Veir istoric
Eth Palai de Gèu barre es sues pòrtes enquiath 18 de seteme entà realizar trabalhs de melhora e mantenement enes installacions.
Era installacion demorarà barrada deth 3 ath 18 de seteme pr’amor qu’er airau de mantenement pogue realizar es prètzhèts de sanejament e neteja des piscines, apariaments e substitucion de maquinària atau coma es linhes de flotacion.
Eth Palai de Gèu barre es sues installacions eth pròplèu dia 2 de seteme enquiath dia 18 deth madeish mes, entà realizar coma cada an, prètzhèts de melhora e mantenement enes diferentes seccions dera installacion. En airau de mantenement bères ues des accions mès destacades que se realizaran seràn: era substitucion dera pompa qu’impulse er aigua dera piscina petita, er apariament de bèri solèrs des sales a on se realizen es activitats dirigides, era neteja des piscines e era substitucion des linhes de flotacion dera piscina grana.
Tanben volem arrebrembar a toti es sòcis deth Palai de Gèu, que ja pòden realizar es inscripcions as corsi infantils de natacion, patinatge e karate dera pròplèu sason esportiua 2017-2018.
Segons Juan Antonio Serrano, baile de Vielha “des der Ajuntament de Vielha e Mijaran contunharam trabalhar entà aqu’es installacions d’aguest complèxe esportiu se tròben en melhor estat possible.”