Notícies Veir istoric
7au edicion dera Vertical-Aran eth proplèu 30 de seteme.
Aguesta pròva de runing supause era darrèra competicion era sason d’ostiu dera Val d’Aran.
Era 7au edicion dera pròva aranesa Vertical-Aran, se celebrarà en Vielha eth proplèu dissabte 30 de seteme. Ath delà dera 7au edicion, era pròva tanben supause un memoriau a Tonet Cavero.
Era pròva ei organizada pera Pòrta d’Aran e tanben compde damb eth supòrt der Ajuntament de Vielha e Mijaran, eth Conselh Generau d’Aran e era participacion des Volentaris d’Aran.
En aguesta pròva populara, i pòden participar totes aqueres persones amants deth running atau coma es familhes damb mainatges que siguen acostumats a caminar.
Era 7au Vertical-Aran prepause tres recorreguts diferenti: ua Marcha Populara ena que pòden participar adults e mainatges a partir de 6 ans. Aguesta pròva a un total de 2km e 500m de desniveu positiu. Er orari de gessuda serà entàs 09:30ores ena Bassa d’Oles. Era Pujada Vertical-Aran a un recorregut de 4,2km e 1200m de desniveu damb un totau aproximat de 3 ores. Era gessuda se realizarà as 10ores des dera plaça dera rotonda de Vielha. E era darrèra pròva, e era mes exigenta ei era Carrèra Vertical-Aran que se realizarà eth madeish recorregut qu’ena Pujada, mès se realizarà laguens dera modalitat de trail running. Era gessuda serà as 11 ores ena rotonda de Vielha.
Era organizacion dera pròva non exigissis un materiau minim, dejà recomanen portar roba d’abric, aigua e bastons. Se voletz conéisher eth recorregut ac podetz campar aciu. Entà realizar es inscripcions s’a d’anar ara botiga d’Era Pòrta d’Aran en Vielha e tanben en son portau web.
Entà Juan Antonio Serrano, baile der Ajuntament e Vielha e Mijaran “aguesta pròva ei plan importanta en nòste territòri pr’amor que supause era coronacion d’ua des montanhes mès importantes entàs vesins de Vielha e Mijaran, eth Montcorbison.” Serrano tanben declare que “ath delà dera pròva de running, era 7au Vertical Aran tanben supause ua bona activitat entà realizar en familha gràcies as diferentes modalitats qu’aufrís” Ath delà, competicions d’aguest tipe, seguisse posicionant Vielha e Mijaran coma un cap-lòc de referéncia entara realizacion d’eveniments esportius”.
25/09/2017