Notícies Veir istoric
Finalizen es òbres de melhora e adeqüacion es diuèrsi pòbles de Vielha e Mijaran
S’an realizat trabalhs e òbres d’adaptacion e melhora de carrèrs enes pòbles d’Arròs, Aubèrt, Vilac e Gausac.
Ara fin der estiu finalizauen es òbres de pavimentacion e ampliament dera carretèra en pòble de Gausac, coordinades des dera porpia EMD. Damb aguesti trabalhs Gausach compde ara damb un espaci de parcatge e un carrèr fòrça mès ample entath pas tant de pedons coma de veïculs.
Enes pòbles de Vilac e Arròs, s’an realizat trabalhs ena pavimentacion de bèri carrèrs que se trobauen eth mau estat. Eth toti dus pòbles s’an melhorat es carrèrs principaus, en Arròs, eth carrèr Travessia Major ath sòn pas pera glèisa e en Vilac eth carrèr Major. Es presidents dera respectiva EMD sigueren es encargadi de gerir e controlar es òbres.
Ua auta òbra destacada ei era amiada a tèrme en Aubèrt, concrètaments en carrèr dera Crotz, a on s’an realizat òbres de canalizacion deth gas, un nau pavimentat e era melhora dera parabanda deth carrèr, òbra fòrça demandada pera pròpria pedania.
Juan Antonio Serrano, baile de Vielha e Mijaran soslinhe que “aguestes òbres son d’especiau importància entàs vesins d’aguesti pòbles donques qu’an supausat ua considerabla melhora des sòns carrèrs, servicis e optimització des espacis.” Ath delà Serrano ahig que “voi dar es grocies a toti es bailes pera sua impecabla gestion e implicacion”.