Notícies Veir istoric
Vielha e Mijaran e Bodegas Torres collabòren ena illuminacion des arbes de Nadau deth cap-lòc aranés
En marc d’aguesta collaboracion Bodegas Torres organizarà era hèsta de finalizacion d’an ena Plaça dera Glèisa de Vielha ath delà d’autes accions promocionaus coma tastets e degustacions damb establiments aderidi ara mèrca.
Er Ajuntament de Vielha e Mijaran a signat un convèni de collaboracion damb Bodegas Torres entà amiar a tèrme diuèrses accions de promocion de nadau en municipi. Era mèrca de vins e caves se harà cargue deth còst de montatge e illuminacion des dus arbes plaçadi ena Plaça dera Glèisa e ara Solana.
Ath delà deth montatge des arbes, Bodegas Torres organizarà era hèsta de finalizacion d’an eth 31 de deseme ena Plaça dera Glèisa de Vielha. Des de hè ja bèri ans nombrosi vesins s’apròpen, de forma espontanèa, enquia d’aguesta plaça era net de finalizacion d’an entà minjar eth radim pendent es campanades. Per aguesta arrason, des der Ajuntament de Vielha e Mijaran s’a considerat oportun facilitar que Bodegas Torrres organize aguest eveniment que compdarà damb un dj entà celebrar era entrada ar an nau.
Pendent es dies 27, 28, 29, 30, 31 de deseme e eth 1 de gèr, Bodegas Torres amiarà a tèrme accions de promocion pes carrèrs de Vielha, a on se poderàn degustar es productes dera mèrca de vins e caves deth Penedés. Bodegas Torres realizarà tanben accions promocionaus damb establiments aderidi ara mèrca a on elaboraràn tastets e degustacions conjuntes e promoiràn eth sòn nau cava Vardon Kennet.
Juan Antonio Serrano soslinhe que “gràcies a d’aguest convèni, Vielha e Mijaran e es sòns pòbles gaudiràn d’ua decoració nadalenca cossent damb ua ciutat comerciau e toristica com ei Vielha, sense que supause un increment ath pressupòst municipau.”