Notícies Veir istoric
Er Ajuntament de Vielha e Mijaran realize corsi de formacion, renauiment e reciclatge DEA enes installacions deth Palai de Gèu
Vielha e Mijaran se place coma ua ciutat cardioprotegida e segura
Pendent eth dia d’aué e ager 29 de noveme, se realizen en Palai de Gèu de Vielha es corsi de formacion, reciclatge e ampliament entad usatge des Desfibrilladors Extèrnes Automatics. Era formacion deth cors s’amie a tèrme pera enterpresa de formacion NeoSalus Solutions.
Aguesti corsi van destinadi a toti aqueri professionaus tecnics que trabalhen enes installacions de Vielha e Mijaran e pòden auer de besonh en bèth moment hèr usatge d’un DEA. Pendent eth cors bèri uns des professionaus qu’an realizat aguesta formacion e/o reciclatge an estat de diferentes identitats coma l’INS Aran, eth Conselh Esportiu, era escòla de futbòl Val d’Aran, es professionaus deth Palai de Gèu e tanben professionaus deth sector der espòrt e era salut der Ajuntament de Vielha e Mijaran. En cors se tractaràn tèmes coma apréner a utilizar un DEA mès tanben nocions sus prumèrs auxilis, entre ues autes.
Vielha e Mijaran garantís ua corrècta assisténcia sanitària donques que compde damb tres espacis cardioprotegits de facil accès: en Palai de Gèu, en Casau deth Jubilat e en Palai d’Esports de Vielha.
Entà Juan Antonio Serrano, “era realizacion des corsi de reciclatge e formacion DEA son indispensables entara obtencion de personau corrèctaments qualificat tà aufrir ua optima responsa en cas d’emergéncia”. Ath delà Serrano ahig que “trabalham per un municipi mès segur eth toti es sentits. ”