Notícies Veir istoric
Er Ajuntament de Vielha e Mijaran presente era tresau edicion dera sua programacion culturau entà tota era familha
Era programacion se tròbe laguens deth cicle “Vielha eth scena” qu’organize ath costat dera associacion Aran Teatre
Eth passat dissabte, 2 de deseme comencèc era prumèra accion de teatre entà tota era familha laguens dera programacion der Ajuntament de Vielha e Mijaran “Vielha eth scena”. Es accions s’amiaràn a tèrme ena sala Era Audiovisuau de Vielha, coma edicions anteriores e s’ampliaran des deth mes de deseme enquia abriu. Es accions se realizaràn un dissabte ath mes pendent eth cors escolar.
Segontes María Vergés, còssa de cultura der Ajuntament, “damb aguesta programacion volem desvelhar es inquietuds des mès petiti a trauès deth teatre.” Ath delà, soslinhe Vergés “aufrim uns prètzi populars pr’amor qu’es familhes de Vielha e dera rèsta deth territòri poguen accedir ath teatre sense que supause un esfòrç”
Es accions son part dera programacion culturau der Ajuntament “Vielha eth scena”. Aguesta programacion culturau, ath delà d’aufrir actuacions de pagament, tanben realize ues autes pendent era rèsta der an de forma gratuïta.
Era següenta actuacion se presentarà eth dissabte dia 13 de gèr, as 18:00 ores, ena sala Era Audiovisuau de Vielha, damb Marcel Gròs e eth sòn espectacle “Menutes”.
11/12/2017