Notícies Veir istoric
Er Ajuntament de Vielha e Mijaran e eth Conselh Generau d’Aran collabòren en cambi de hièstres deth Centre de Formacion d’Adults
Es barraments deth CFA èren encara es originaus der edifici e auien de besonh d’èster substituïts entà assegurar era eficiéncia energetica deth Centre
Er Ajuntament de Vielha e Mijaran e eth Conselh Generau d’Aran an signat un acòrd entà financar a parts iguals eth cambi enes hièstres dera escòla d’adults de Vielha.
Aguest centre ei plaçat enes antigues escòles nacionaus e, tot e auer-s’i hèt quauqua reforma anteriorament, mantenguie es hièstres originaus dera bastissa. Damb aguest cambi, s’assegure qu’es barraments siguen es de besonh entar edifici, en tot garantir tanben era eficiéncia energetica deth centre.
Es còsti de mantenement deth CFA se regissen en basa a un convèni soscrit entre er Ajuntament de Vielha e Mijaran, eth Conselh Generau d’Aran e eth Departament d’Ensenhament dera Generalitat. Eth còst dera òbra a estat de 12.000€ e serà finançat a parts iguals per Ajuntament e eth Conselh.