Notícies Veir istoric
Se daurissen es inscripcions entara dusau edicion dera Trail Vielha-Molières 3010
Aguesta edicion compdarà damb ua naua carrèra: era Tuca Trail
Des der Ajuntament de Vielha e Mijaran èm fòrça capinauti d’anonciar que, a compdar de deman 10 de gèr de 2018, ja seràn daurides es inscripcions entara dusau edicion dera Trail Vielha Molières 3010.
Aguesta dusau edicion dera Trail Vielha Molières 3010 compde damb un totau de 1.200 places entà tres carrères: era maraton de Molières, era Montpius Skyrace e era novetat d’enguan, era Tuca Trail. Es inscripcions demoraràn daurides enquia aumplir totes es places enquiath 10 de junhsèga. Era organizacion der eveniment a decidit premiar as 100 prumèrs/es s’inscriti/es damb un 10% de descompde en quinsevolh des tres distàncies.
Eth succès categoric qu’auec era carrèra eth passat mes de junhsèga, siguec un indicador entà assolidar en Vielha e Mijaran coma lòc de referéncia en Pirenèu e tanben ena rèsta deth territòri.
Entà Juan Antonio Serrano, baile de Vielha e Mijaran “èm fòrça contenti d’organizar amassa damb eth Centre Trail Val d’Aran e damb Centre Excursionista d’Aran aguesta dusau edicion”. Ath delà Serrano ahig que “er Ajuntament de Vielha e Mijaran contunhe en tot apostar per aguesta carrèra e pròva d’açò son es recorsi que destinam pr’amor que sigue un succès, damb er objectiu de plaçar en Vielha e Mijaran e a tota era Val d’Aran coma er epicentre des espòrts de montanha e coma un lòc idonèu entara realizacion d’eveniments esportius”.