Notícies Veir istoric
Eth centre de tecnificacion d’espòrts de iuèrn Val d’Aran (CETEI) e er Ajuntament de Vielha e Mijaran presenten un cicle de ponencies de montanha ena Sala Audiovisuau de Vielha
Er esquiador e medallista paralímpic Gabriel Gorce serà er encargat de realizar es ponéncies e era presentacion deth documentau
Deman dia 17 de gèr, se realizarà era presentacion d’un documentau sus era istòria der esquiador e medallista paralímpic Gabriel Gorce. Eth documentau retrate eth foncionament des esportistes d’elèit e tanben se centre en costat mès uman des esportistes.
Ath delà dera projeccion deth documentau, Gabriel Gorce realizarà ues charrades en tot explicar era sua istòria e trajectoria coma esportista e tanben ofrerirá un petit tast de musica entàs assitents.
Era presentacion e era projeccion deth documentau se realizarà as 18:15h e a compdar dera 19h Gabriel Gorce exposarà era sua experiéncia e aufrirà as assistents cançons pròpries enquias 20:15ores.
Aguest event ei organizat per CETEI, er Ajuntament de Vielha e Mijaran e peth Conselh Generau d’Aran.
Entà Alberto López, còsso d’espòrts der ajuntament de Vielha e Mijaran "des der ajuntament de Vielha e Mijaran contunham en tot trabalhar ena promocion der espòrt coma era melhor via pe entà promòir valors e un estil de vida saludable." Ath delà López ahig que "actes coma eth de deman mos ajuden a contunhar en tot plaçar Vielha e Mijaran coma un destin de referéncia der espòrt".
16/01/2018