Notícies Veir istoric
Era Pedals de Foc Non Stop 2018 demore arrecéber mès de 1000 participaires
Eth Campionat Europèu de Ultramaratón MTB, PDF Non Stop que se celebrarà en Vielha eth pròplèu mes de junh demore superar eth nombre de participaires respècte es 650 qu’arrecebec era edicion passada
Eth passat 15 de gèr se dauriren es inscripcions dera naua edicion deth Campionat Europèu de Ultramaratón MTB, PDF Non Stop en tot arténher a dia d’aué mès de 800 inscriti, un increment deth 23% respècte era passada edicion e que seguís en tot creisher.
Considerada per fòrça gent coma era ultramaraton de MTB mès mitica deth mon, era PDF Non Stop comencèc en 2006 coma un des prumèrs ultramaratons de MTB en encastre mondiau, en tot convertir-se en 2015 e 2016 en prumèr Campionat d’Espanha MTB Utramarathon e eth 2017 en prumèr Campionat Europèu dera istòria.
Se disputarà era dimenjada deth dissabte 30 de junh, en tot èster eth dia 29 er escuelhut entà arrecuélher es dorsaus e realizar eth brífing previ ara competicion. Eth dissabte començara era carrèra a compdar des 5 ores deth maitin e se demore era arribada es prumèrs corredors a compdar des 15 ores dera tarde dempús d’auer realizat un raid de BTT de 213 km damb 6200 mètres de desnivèu positiu e en tot trauessar era Val d’Aran, era Alta Ribagorça e eth Palhars Jussà.