Notícies Veir istoric
Er Ajuntament de Vielha e Mijaran melhore un tram dera carretèra d’accès a Mont e Montcorbau
Era rèsta dera òbra serà assomida peth Conselh Generau d’Aran
Pendent eth passat mes de noveme s’aprovèren es pressupòsti entad aguest 2018 en Plen ordinari der Ajuntament de Vielha e Mijaran eth dia 22 de noveme. En Aguest Plen Ordinari, entre d’ autes causes, s’aprovèc era inversion ena melhora dera carretèra d’accès entàs pòbles de Mont e Montcorbau.
Enes pròplèu setmanes ei prevista era actuacion en aguesta carretèra per part deth Conselh Generau d’Aran per un costat e per Ajuntament de Vielha e Mijaran per aute, que licitarà un tram d’aguesta via per un còst de 49.997’78€.
Es condicions actuaus d’aguesta carretèra hèn de besonh era òbra que se centrarà ena amplada dera carretèra atau coma era melhora der accès entàs dus pòbles.
Entà Juan Antonio Serrano, alcalde de Vielha e Mijaran “aguestes òbres son fòrça de besonh pr’amor qu’eth transit per aguesta via a aumentat enes darrèri ans”. Ath delà Serrano hig que “en aguesta òbra collaboram damb eth Conselh Generau d’Aran damb er objetiu de mellhorar era qualitat de vida des vesins de Mont e Montcobau”.