Notícies Veir istoric
Era AECC – Junta Locau d’Aran prorrògue era activitat de iòga qu’aufrís entà hemnes qu’an patit un càncer de mama.
Era Junta Locau d’Aran dera AECC-Catalunya contra el Càncer a ampliat es sessions dera activitat de iòga que pendent es darrèri mesi a aufrit de franc a hemnes que se recupèren d’un càncer de mama. Era activitat s’amie a tèrme en centre associatiu de Vielha gràcies ath convèni qu’era AECC e er Ajuntament signèren eth passat ostiu e qu’a coma objectiu desvolopar activitats de divulgacion e conscienciacion sus aguesta malautia e era sua prevencion atau coma era cession d’un espaci a on era AECC pòrte a tèrme era atencion psicologica e informativa en Aran.