Notícies Veir istoric
Dusaua edicion des jornades telemark & friends
Vielha se premanís entà celebrar per segon an consecutiu es jornades de Telemark & Friends deth 7 ar 11 de març.
Es jornades començaran eth dimèrcles 7 en tot dar era benvenguda as participants e daurint es inscripcions entà es activitats des dies posteriors, que amassaran desde classes pràctiques a leçons sus teoria de lauègi e seguretat ena montanha.
Pendent dijaus e divendres, es activitats pràctiques se centraràn en dus façons. Es participants poiràn gaudir d’ua classe de 2 ores at dia de telemark, autant coma diferents recorreguts de baishades damb esquís de trauessia, dinars amassa damb toti es participants en Montgarri e eth Cap deth Pòrt e leçons sus seguretat e lauègi. Tamben poiràn gaudir d’un tour guidat entà aqueri participants que non coneisheguen era estacion e en acabar eth dia poderàn degustar un bèuer toti amassa en diferents establiments.
Eth dissabte, toti aquèri inscrits auràn era oportunitat de probar es darrères nauetats en tot çò que correspon a materiau de telemark e trauessia, e tamben participar en ua baishada colectiua desde eth Cap de Baqueira. Ena tarde se celebrarà era exposicion Telemark e Trauessia autant coma ua charrada damb er alpiniste Òscar Cadiach e ua amassada damb diferents guíes de montanha.
Era jornada de dissabte finalitzarà damb eth sopar Telemark&Skimo en poliesportiu de Salardú on se sortejarà materiau entà es assistents.
Dimènge finalitzaràn es jornades damb dues gessudes damb esquís de trauessia desde Vielha e ua barbacòa entà mèter punt e finau a ua setmana plia d’activitats.
Er Ajuntament de Vielha participe activament d’aguestes activitats en tot promòir e ajudar ath desvolopament dera localitat coma un punt de referència entà toti es alpinistes e esquiaires, autant coma era resta d’espòrts. Credem en objectiu de bastir ua identitat pròpia coma municipi que respatle es activitats esportives en tot èster conscients des beneficis sociaus qu’apòrten aguest tipe d’eveniments.
15/02/2018