Notícies Veir istoric
Vielha e Mijaran a estat seleccionada entà realizar es Enquèstes de Poblacion Actiua (EPA) der Institut Nacionau d’Estadistica (INE)
Era Enquèsta de Poblacion Activa (EPA) ei ua investigacion der Institut Nacionau d’Estadistica (INE) que se ven en tot desvolopar des der an 1964. Aguesta enquèsta a coma principau objectiu era obtencion de donades dera poblacion era relacion damb eth mercat de trabalh: aucupadi, actius, arturadi e inactius. Gràcies ad aguesta enquèsta, s’obtien resultats detalhadi entath conjunt deth territòri nacionau, atau coma entàs comunitats autonòmes e es províncies.
Vielha e Mijaran a estat escuelhuda per INE entà realizar era enquèsta, atau qu’a compdar d’aué bèri entrevistaires se trobaran en Vielha e Mijaran damb er objectiu de realizar diuèrses enquèstes a bèri larèrs seleccionadi aleatòriament. Es entrevistaires, auràn de mostrar era sua acreditacion oficiau e posteriorments procediràn ara realizacion de diuèrses qüestions.
Des der Ajuntament de Vielha e Mijaran arregraïm era participacion de toti es vesins damb era fin de collaborar en aguesta enquèste tan de besonh entà conéisher era realitat deth nòste territòri.