Notícies Veir istoric
Er Ajuntament de Vielha e Mijaran manifèste era sua preocupacion pera prepausa de Foment sus era N230
Dempús dera gessuda a exposicion publica deth projècte eth baile de Vielha e Mijaran a convocat ua reünion urgenta damb es presidents des EMD deth municipi e es servicis tècnics der Ajuntament
Eth Ministèri de Foment a publicat er estudi informatiu entara melhora dera N230 er eth tram que va dera boca nòrd deth tunèl de Vielha enquia França, que presente era realizacion d’òbres eth 11’ 6km, damb enquia 13 viaductes, e damb un pressupòst estimat de 84,72M€.
Juan Antonio Serrano, baile de Vielha e Mijaran a convocat ua amassada urgenta damb es bailes des pedanies e es tècnics der ajuntament entà analisar aguesta prepausa encara qu’a ja declarat que "era prumèra impression ei qu’aguesta prepausa ei perjudiciau entath nòste municipi peth sòn naut impacte, non solaments ambientau, mès tanben per economic, toristic e sociau" e ahigie que "ei de besonh tanben avalorar era afectacion a mejan e long termini sus Vielha e Mijaran e era Val d’Aran deth traçat prepausat, donques que condicionarà fòrça eth nòste desvolopament economic e territoriau".
Er Ajuntament de Vielha e Mijaran a intencion de presentar allegacions en termini maxim de trenta dies.