Notícies Veir istoric
S’apròve era cession d’ua part deth jardin d’òbres publiques
Emplaçat en centre de Vielha
Eth deluns 6 d’octobre er Ajuntament de Vielha e Mijaran aprovèc en junta de govèrn eth convèni a on eth Ministèri de Foment li cedís ua part deth jardin d’òbres publiques entà airejar aguesta zòna urbana e connectar era Avenguda Castièro damb eth Passeg dera Libertat a trauèrs dera plaça Mossen Joan Casseny.
Damb era signatura d’aguest convèni, Foment cedís part deth jardin ath consistòri e er Ajuntament lançarà a tèrra es murs que delimiten aguesta zòna entà dar accès ara Avenguda Castièro, carrèr principau, damb eth Passeg dera Libertat a trauès dera plaça Mossen Joan Casseny e era plaça Corralets e Sant Orenç, e atau disposar d’ua naua connexion entà facilitar eth pas des vesins de Vielha.
Dempús dera signatura deth convèni, er Ajuntament a retornat eth document ath Ministèri de Foment ara demora dera autorizacion entà poder començar es òbres.