Notícies Veir istoric
Pèrta d’aigua ara nautada dera rotonda de Vielha
Eth diuendres 3 d’octobre s’an amiat a tèrme es òbres d’apariament d’ua pèrta d’aigua enes canalizacions ara nautada dera rotonda principau de Vielha a causa d’un cambi de pression. Ath long deth tractament dera pana, a estat de besonh talhar er aigua dera bastissa Val d’Aran pendent dues ores.
Deluns passat 29 de seteme se detectèc ua mèrca d’aigua dessús deth paviment a un costat dera rotonda de Vielha. Ath long dera setmana s’a realizat un seguiment dera pana e aguest diuendres s’a procedit ath sòn apariament.
Era pana s’a produsit a causa dera connexion des canalizacions dera dusau fase des òbres dera entrada de Vielha damb autes canalizacions existentes, a on i a agut un cambiament de pression qu’a comportat era pèrta d’aigua.
S’a optat en daurir eth tèrra enquia trapar era connexion des canerades e melhorar era connexion entre es canalizacions entà evitar naues pèrtes d’aigua. Pendent es òbres s’a agut de talhar eth subministrament d’aigua per dues ores ena bastissa Val d’Aran, qu’ei a tocar. Er apariament l’a amiat a tèrme era entrepresa Excavaciones y Construcciones Barba S.L..