Notícies Veir istoric
Er Ajuntament de Vielha e Mijaran a començat es sessions de participacion ciutadana damb es vesins des pòbles deth municipi entà apropar era institucion as ciutadans
Pendent aguest mes de junh, parlaràn damb es vesins entà escambiar informacion e conéisher es sòns besonhs e es sues inquietuds
Er Ajuntament de Vielha e Mijaran a començat es sessions de visites as pòbles deth municipi, damb ua amassada enes pòbles d’Arròs e Vila d’aguest dimèrcles. Aguestes amassades an coma objectiu apropar eth consistòri as vesins de toti es pòbles de Vielha e Mijaran, entà explicar quines son totes es accions que s’an hèt e que s’amiaràn a tèrme, e tanben conéisher quini son es besonhs e es inquietuds qu’an es vesins, en tot fomentar era participacion ciutadana.
Pendent es pròplèu quinze dies, desparièrs membres deth govèrn municipau se desplaçarà enquiàs pòbles, amassa damb er alcalde pedani en question, entà escambiar informacion e opinion sus toti aqueri ahèrs que s’an de realizar enes pòbles.
Segontes eth baile de Vielha e Mijaran, Juan Antonio Serrano, “des der Ajuntament volem que toti es vesins deth municipi poguen conéisher de prumèra man tot çò que hèm, e ath madeish viatge, èm interessadi en poder amassar toti es besonhs qu’eri agen, entà poder trabalhar per milhorar era vida enes pòbles de Vielha e Mijaran”.
Aguestes amassades enes pòbles son dubèrtes a toti es vesins que volguen participar entà cercar solucions as problèmes que poguen auer, o suggeriments en benefici dera convivéncia ciutadana enes pòbles.
07/06/2018