Notícies Veir istoric
Era sala de cine Era Audiovisuau doble es sòns espectadors en 2014
Enes ueit prumèrs mesi der an
Eth numerò d’espectador ena sala Era Audiovisuau de Vielha a crescut en un 114% es ueit prumèri mesi de 2014 respècte es mesi de gèr enquia agost der an 2013. Aguest aument ei arrason dera digitalizacion deth cine, finalizada a finaus de gèr d’aguest an. Totun èster un mes de tempsada baisha de toristes, abriu ei eth mès nombrós damb 2.981.
7.871 espectadors an passat pera sala Era Audivisuau de Vielha ath long d’aguesti ueit prumèrs mesi de 2014, çò que supause un augment deth 114% respècte es madeishi mesi de 2013, damb 3.680 persones.
Eth mes de gèr puge de 259 a 643; hereuèr, de 195 a 518; març ei er unic mes que decreish de 856 a 757; abriu ei eth qu’a un saut mès gran e passe de 504 a 2.981; mai puge de 230 a 414; junh tanben augmente de 174 a 469; junhsèga passe de 494 a 655; e fin finau, agost creish de 928 a 1.434.
Era creishuda generau respon ara digitalizacion dera sala que finalizèc a finaus de gèr de 2014 e aufrís ua mielhor qualitat dera imatge e deth son. Damb aguesta innovacion se pòt compdar damb estrees cada setmana, causa que damb es polaroids non ère possible perqué n’hègen còpies limitades.
Un aute factor important ei qu’es pellicules arriben adès ath cine que a Internet, e tanben qu’eth prètz deth cine de Vielha ei fòrça mès baish qu’enes grans ciutats. Er augment generau a fòrça valor, donques era sala a passat d’auer mès 200 places longues a 140.
Eth mes a on s’a pogut veir un creishement mès gran ei abriu, donques ara digitalizacion dera sala li cau somar qu’ath long de quate setmanes siguec en pannèu era pellicula "Ocho apellidos vascos", damb mès de 2.000 espectadors en totau en Vielha.
03/10/2014