Notícies Veir istoric
Er Ajuntament de Vielha e Mijaran renauís eth convèni damb era Agrupación Recreativa de Empleados de Productora de Fuerzas Motrices SA y Construcciones Pirenaica SA
Coma nauetat, era Agrupación destinarà 1000€ annaus entà projeccions cinematografiques infantiles de caràcter gratuït ena Sala Era Audiovisuau de Vielha
Eth baile de Vielha e Mijaran, Juan Antonio Serrano e eth President dera Agrupación Recreativa de Empleados de Productora de Fuerzas Motrices SA y Construcciones Pirenaica SA, Carlos Farré, an signat eth nau convèni entre ambdues institucions entar emplec dera Sala Era Audiovisuau de Vielha.
Damb aguest nau acòrd, coma nauetat, era Agrupación se compromet a invertir 1000€ annaus entà projeccions cinematografiques infantiles de caràcter gratuït, qu’amiarà a tèrme er Ajuntament de Vielha e Mijaran. A compdar der an 2019, aguesta quantitat s’actualizarà annaument en foncion dera variacion qu’experimente er IPC en Espanha. Atau madeish, enes publicitats qu’er ajuntament hèsque sus aguestes projeccions aurà de constar eth patrocini dera Agrupación.
Aguest acòrd qu’an signat ambdues parts, aurà vigéncia enquiar an 2020, damb ua possibla prorròga de quate ans addicionaus.
22/06/2018