Notícies Veir istoric
Aguest dissabte 7 de junhsèga, se daurís era piscina de Vielha ath public
Era piscina exteriora deth Palai de Gèu serà dubèrta en orari d’11:00 as 19:00, enquiath pròplèu 2 de seteme
A compdar d’aguest 7 de junhsèga, era piscina exteriora deth Palai de Gèu de Vielha serà dubèrta ath public, entà poder gaudir d’aguesta installacion pendent er ostiu. Dempús des diuèrsi trabalhs de melhora que s’an realizat pendent es darrèri dies, era piscina ja se trape enes condicions avientes entara gent enquiath pròplèu 2 de seteme.
Era mainadèra enquias 7 ans auràn era entrada gratuïta, mentre que des 8 as 16 ans eth prètz ei de 2 èuros e entàs màgers de 16 ans e adults, eth prètz ei de 3 èuros. Er orari de dubertura dera piscina serà entre es 11:00 e es 19:00. Cau rebrembar, qu’ena madeisha installacion se poderà gaudir d’un servici de bar.
Segontes eth còsso d’Espòrts e Joenessa de Vielha e Mijaran, Alberto López, “èm satisfeti de poder anonciar, un an mès, era dubertura dera piscina de Vielha, qu’ei un servici que fòrça gent gaudís ath long der ostiu. Demorem qu’era sason sigue profitosa e damb bona climatologia entà toti, e pogam auer ua nauta afluéncia”.