Notícies Veir istoric
Apariaments enes captacions d’aigua de Vila e Bords
Pendent aguesta setmana s’a estat en tot apraiar era captacion d’aigua d’emergéncia de Vila que provedís es pòbles de Vila e Arròs entà assegurar eth consum ena tardor e en iuèrn. Era setmana que ven començarà er apariament dera captacion d’aigua de Bords.
Eth passat iuèrn un laueg s’emportèc era captacion d’aigua d’emergéncia de Vila, que s’encargue de provedir es depausi de Vila e Arròs. Aguest apariament servirà a assegurar eth consum d’aigua enes pòbles de cara ath pròplèu tardor e iuèrn.
Per un aute costat, era setmana que ven se procedirà ar apariament dera captacion d’aigua originau de Bords, dessús deth pòble de Mont, tanben danhada pes lauegi. Aguest punt provedís as pòbles de Mont, Montcorbau, Betlan e Aubèrt. Ath delà, tanben se sanejarà es dics de retenguda e filtrat d’aigua que se trapen tapadi ena zòna.