Notícies Veir istoric
Se daurís era convocatòria deth 2au tèrme de subvencions de Vielha e Mijaran entath 2018
Enquiath pròplèu 28 de seteme se poderàn demanar ajudes enes airaus der espòrt, era musica, cultura, joenessa, servicis sociaus, torisme, hèstes, ensenhament e cooperacion entre d’auti
A compdar d’aguest 19 de junhsèga, er Ajuntament de Vielha e Mijaran daurís era convocatòria deth 2au tèrme de subvencions d’enguan. Enquiath pròplèu 28 de seteme, totes aqueres persones o entitats que volguen, poderàn demanar ajudes entàs activitats restacades damb es airaus der espòrt, era musica, cultura, joenessa, servicis sociaus, torisme, hèstes, ensenhament e cooperacion entre d’auti.
S’enten que totes es activitats que pòden èster subjèctes d’èster subvencionades, se desvolòpen entre er 1 de deseme de 2017 ath 30 de noveme de 2018 a excepcion des activitats que se realizen en relacion ath cors escolar.
Es subvencions se pòden demanar a trauès dera sedença electronica der Ajuntament de Vielha e Mijaran o directament ena sedença fisica deth consistòri en orari des 09:00 as 14:00. Es bases e tota era documentacion qu’ei de besonh entà poder sollicitar es subvencions, ac podetz trapar en aguest enlaç: http://www.vielha-mijaran.org/ar/menu/er-ajuntament-/14/gestion-municipau-/23/ajudes-e-subvencions/31/
Un viatge finalizada era convocatòria, er Ajuntament notificarà as interessadi era resolucion de concesion o denegacion des subvencions en un periòde de tres mesi. Ath delà, se procedirà a publicar en BOP de Lhèida era lista de subvencions autrejades e tanben en tablèu d’anoncis der Ajuntament.