Notícies Veir istoric
Pendent eth mes d’agost, se celèbre era 1èra Liga de Futsal Val d’Aran en Palai d’Espòrts de Vielha
Aguesta competicion, que compde damb 9 equips, nèish arraïtz d’un acòrd entre era AEFA e er Ajuntament de Vielha e Mijaran
Pendent aguest mes d’agost, eth Palai d’Espòrts de Vielha acuelh era celebracion dera 1èra Liga de
Futsal Val d’Aran. Aguesta naua competicion compde enguan damb un totau de 9
equips (Labrid Shoes, Maskachapas, Crazy Crew, Q-Mont, Naut Aran, Kowalski, “Es
amics de villy”, Saxo Blu e Zona Sur).
Eth torneg
neishec arraïtz d’un acòrd entre era Associacion Esportiua Fotbòl d’Aran
(AEFA) e er Ajuntament de Vielha e Mijaran pendent era celebracion dera darrèra
edicion des 30 Ores de Fotbòl Sala-Vila de Vielha.
Segontes eth còsso d’Espòrts de Vielha e Mijaran, Alberto López, “aguesta competicion permet dar contunhitat as tornegi de fotbol sala de Vielha que ja se celèbren cada an damb es 30 ores, en tot emplegar un equipament de gran nivèu coma ei eth Palai d’Espòrts de Vielha”.
Aguesta competicion, que preten inaugurar ua naua tradicion esportiva en Vielha e Mijaran, se dispute pendent tot eth mes d’agost. Era intencion ei que pogue establir-se coma un eveniment fixe en calendari esportiu en ostiu.
18/08/2018