Notícies Veir istoric
Er Ajuntament de Vielha e Mijaran destinarà enguan un 15% mès ena partida as pedanies
Aguesta melhora s’emmarque laguens dera aprovacion dera 3au modificacion de crèdit deth consistòri aprovada ager en Plen Municipau
Enguan, er Ajuntament de Vielha e Mijaran incrementarà un 15% era partida dirigida as pedanies deth municipi. Aguest increment s’artenherà gràcies ara aplicacion dera 3au modificacion de credit deth pressupòst municipau de 280.000€ e permeterà qu’es EMD poguen ampliar es accions que amien a tèrme.
Segontes eth baile de Vielha e Mijaran, Juan Antonio Serrano, “es pòbles deth nòste municipi son ua des prioritats deth govèrn municipau” e higie que ”enguan poderam destinar un shinhau mès de recorsi as EMD entà que les gestionen e invertisquen en aquerò que considèren de besonh”.
Laguens d’aguesta 3au modificacion de credit tanben s’i a includit ua melhora dera dotacion pressupostària tara reforma dera Sala Polivalenta de Vielha, ua partida tath godronament deth Passeg Fluviau, er enlumenat deth pònt deth Solan e ua partida en prevision des accions a realizar damb era pista de gèu.