Notícies Veir istoric
Gran exit d’acuelhuda dera exposicion “Rites e Tradicions dera Val d’Aran”, damb 1370 visitaires
Era Sala d’Exposicions de Vielha acuelhec aguesta exposicion cedida pera Fondacion Musèu Etnologic dera Val d’Aran entre eth 17 de junhsèga e eth 18 d’agost
1370 visitaires gaudiren dera exposicion “Rites e Tradicions dera Val d’Aran” dera Fondacion Musèu Etnologic dera Val d’Aran, que siguec plaçada ena Sala d’Exposicions de Vielha pendent eth 17 de junhsèga e eth 18 d’agost.
Era miejana diària de visitaires siguec fòrça anauta, en tot auer-i diuèrses jornades enes que s’apropèc o se superèc eth centenat de persones ena sala. Ua grana notícia, se tiem en compde qu’era exposicion sonque se podie visitar dues ores ath dia (19:00-21:00).
Segontes era còsso de cultura de Vielha e Mijaran, Maria Vergés, “es donades qu’auem artenhut damb aguesta exposicion son fòrça anautes. Voi arregraïr en nòm deth govèrn municipau a tota era gent qu’a visitat aguesta exposicion, e especiaument ara Fondacion Musèu Etnologic dera Val d’Aran per auer-la cedit ath public”.
27/08/2018