Notícies Veir istoric
Aguest deluns se daurís eth termini en Vielha e Mijaran entà sollicitar eth forfait de tempsada d’esquí 2018-19
Enquiath pròplèu 11 d’octobre se pòt demanar quinsevolh des forfaits existents en orari d’atencion ath public der Ajuntament
A compdar d’aguest deluns 24 de seteme, enquiath pròplèu 11 d’octobre, ja se pòt demanar era sollicitud entà aquerir quinsevolh des forfaits dera tempsada d’esquí 2018-19 en Baqueira-Beret. Toti es vesins de Vielha e Mijaran qu’agen era sua residéncia en municipi damb ua antiguitat minima de 5 ans, pòden apropar-se ar Ajuntament entà demanar eth forfait.
Es prètzi des forfaits entad aguesta tempsada 2018-19 son es següenti: Adults residents majors de 25 ans (700€), Adults entre setmana (500€), Universitaris/Joeni entre 18 e 25 ans includidi (500€), Infantil Residents entre 6 e 11 ans includidi (130€), Juvenil Residents de 12 a 17 ans includidi (130€), Joeni aranesi entre setmana de 18 a 22 ans includidi (130€), Majors de 70 ans (32€) e menors de 6 ans (32€).
Era documentacion qu’ei de besonh: Impresi degudaments ramplidi e signadi que s’an de demanar en Ajuntament de Vielha e Mijaran, 1 fotografia actuau, 1 fotocòpia deth DNI, Certificat emetut pera Agéncia Tributària deth Domicili Fiscau o fotocòpia dera plana 1 dera declaracion dera Renta e eth justificant de pagament der impòrt deth forfait (compde corrent BBVA ES81 0182 2918 91 0208508946). Ath delà, entath forfait universitari, ei de besonh era Matricula Universitària deth cors 2018-19.
Tota era documentacion s’a d’amiar en Ajuntament de Vielha e Mijaran en orari d’atencion ath public, de deluns a diuendres des 09:00 enquiàs 14:00.
23/09/2018