Notícies Veir istoric
Conferéncia ‘El agua y el individuo’ en IES d’Aran
Diuendres passat 03 d’octobre, se celebrèc era conferéncia ‘El agua y el individuo’ dera man de diuèrsi membres dera associacion ‘Du flocon à la vague’, en institut IES d’Aran de Vielha, destinada as escolans de tresau d’ESO e prumèr de bachillerat, en ua naua activitat deth projècte Sud’Eau 2
Era prumèra part dera conferéncia siguec conjunta entà toti dus corsi e, entre d’auti aspèctes, se presentèc era associacion ‘Du flocon à la vague’ damb un vidèo pedagogic, e s’expliquèren concèptes coma er aigua virtuau e er aigua responsabla.
Era dusau part, damb grops redusidi, se titolèc ‘Petjada H2O individual’ e expliquèc gèsti quotidiani entà estauviar aigua, un auviatge escàs que cau suenhar entre toti entà preservar era sua qualitat futura.
Aguesta conferéncia s’enquadre laguens deth projècte Sud’Eau 2 e preten hèr préner consciéncia ara ciutadania sus era importància dera preservacion der aigua e es arrius. Enes pròplèus setmanes se realizaràn mès eveniments en Vielha que tanben se tròben laguens deth Sud’Eau 2.