Notícies Veir istoric
Aguest pròplèu dimars, Vielha acuelh era 8au Mòstra de Cinèma Etnogràfic “Pirinèu Recuperat”
Ena Sala d’actes Era Audiovisuau se poderàn veir dus documentaus damb imatges lèu inedites: Diari d’una Transhumància (1988) e Primer Concurs d’Esquí del Pallars-Espot (1954)
Aguest pròplèu dimars 16 d’octobre, era Sala d’actes Era Audiovisuau de Vielha acuelherà era 8au Mòstra de Cinèma Etnogràfic “Pirinèu Recuperat”. Aguesta activitat consistís ena projeccion de documentaus filmics damb imatges lèu inedites, antigues e de gran valor documentau deth Parc Nacionau d’Aigüestòrtes e Estanh de Sant Maurici corresponentes ath sègle XX.
Es documentaus escuelhudi son: “Diari d’una transhumància”, d’Antoni Martí. Un documentau de 31 menutes, filmat en an 1988. Eth dusau documentau ei “Primer concurs d’esquí del Pallars-Espot, de Josep Camp. Un film de 12 menutes der an 1954.
Segontes Maria Vergés, dusau tinent d’alcalde de Vielha e Mijaran, “aguesta Mòstra de Cinèma Etnogràfic mos permet recuperar, e en fòrça casi descorbir, imatges inedites e istoriques sus eth passat dera nòsta societat”. E hig qu’”ei era melhor manèra de gaudir, en aguest cas, damb imatges sus era pagesia e er esquí des ans 50 e 80 deth sègle XX”.
Damb era projeccion d’aguesti dus documentaus filmics, Vielha barre era edicion d’enguan dera Mòstra de Cinèma Etnografic, en tot èster eth dusau viatge que Vielha e Mijaran participe en aguesta activitat. Es projeccions començaràn entàs 19:00 e era entrada ei gratuïta.
13/10/2018