Notícies Veir istoric
Eth milhor cinèma de montanha deth mon torne tà Vielha es dies 6 e 7 de març damb era 8au edicion deth hestau Mendi Tour
Eth cap-lòc aranés organize aguest eveniment a on se projectaràn sies des milhors films de cinèma de montanha dera darrèra edicion deth BBK Mendi Film Bilbao-Bizkaia
Es pròplèu 6 e 7 de març, Vielha tornarà a celebrar ua naua edicion deth hestau de cinèma de montanha Mendi Tour Vielha.
Pendent aguesta 8au edicion d’aguestes jornades se projectaràn un totau de sies pellicules. Diuendres 6 de març, a compdar des 19:30, se començarà damb “Un printemps au Montblanc” (Seccion Oficiau Mendi Film 2025), dirigida per Bertrand Delapierre. Eth 2au film se titole “K2 Mon Amour” (Milhor Pellicula d’Aupinisme Mendi Film 2025), dirigit per Mathieu Rivoire. Era 3au projeccion ei “Le moulin des artistes” (Milhor Cuertmetratge Mendi Film 2025), de Pierre Cadot.
Dissabte 7 de març, se projectaràn tres films mès a compdar des 19:30. Era prumèra filmacion ei “Into Altai” (Seccion Oficiau Mendi Film 2025), de Yannick Boissenot. Era 2au projeccion ei “Cantos y Flores” (Milhor Pellicula d’Espòrt e Aventura Mendi Film 2025). E eth hestau finalizarà damb “Trango” (Seccion Oficiau Mendi Film 2025), de Leo Hoorn.
Era entrada as jornades an un prètz de 10€ per dia, o era opcion d’un abonament per 12€, e se poiràn crompar ena sedença deth consistòri en orari abituau, de deluns a diuendres, des 08:00 as 14:00.
“Eth hestau Mendi Tour Vielha ei ua apòsta que des der Ajuntament de Vielha e Mijaran volem mantier pr’amor que supause un element mès qu’ajude ath nòste municipi a assolidar-mos coma destinacion de referéncia de nauta montanha enes Pirenèus”, comente eth baile de Vielha e Mijaran, Juan Antonio Serrano.
Pera sua part, era mairia deth hestau, era aupinista Edurne Pasaban, afirme qu’”ei un aunor poder tornar a celebrar ua naua edicion d’aguest eveniment, en quau auram films de fòrça qualitat, damb desparièrs espòrts d’aventura, en tot hèr un torn per diuèrsi espòrts d’iuèrn”.
Ath delà, eth prumèr dia deth hestau, ath maitin, er alumnat der Institut d’Aran poirà veir diuèrsi films en un passi privat en Era Audiovisuau. “Volem apropar eth cinèma de montanha as joeni, que son eth futur, e per açò, enguan, tornam a aufrir-les era visualizacion de diuèrsi films deth hestau”, comente eth còsso de joenessa e d’espòrts, David Moreno.
Lieger mès
27/02/2026
Er Ajuntament de Vielha e Mijaran daurís un procès de participacion publica entà elaborar e aprovar eth “Plan Locau de Seguretat Viària de Vielha e Mijaran 2025-2028”
Lieger mès
26/02/2026
Er Ajuntament de Vielha e Mijaran recep era autorizacion per part dera Confederación Hidrográfica del Ebro entà desvolopar milhores en lhèt der arriu Garona ath sòn pas per Vielha e Betren
Lieger mès
24/02/2026
Er Ajuntament de Vielha e Mijaran intensifique era neteja enes ièrles de contienedors e auance eth baldejament de carrèrs dempús des temporaus d’aguest iuèrn
Lieger mès
