Notícies Veir istoric
Er Ajuntament de Vielha e Mijaran comence es òbres deth carrèr Bergàs de Vielha
Pendent es pròplèus setmanes s’amie a tèrme era melhora deth hilat de clavegueram e deth servici d’aigua potabla
A compdar d’aguesta setmana, er Ajuntament de Vielha e Mijaran a iniciat es trabalhs de melhora previsti en carrèr Bergàs de Vielha. Aguestes òbres consistissen ena melhora deth hilat de clavegueram e deth servici d’aigua potabla.
Era intervencion ei avalorada en 88.674,59€ aprovada pendent era 2au modificacion de credit deth pressupòst municipau d’enguan, e ei amiat a tèrme pera enterpresa Transportes y Excavaciones Barba SL. Se demore qu’aguesti trabalhs siguen prèsti abantes dera arribada der iuèrn.
“Des der Ajuntament de Vielha e Mijaran contunham en tot complir damb es òbres previstes enguan. Damb era intervencion en carrèr Bergàs, ua naua zòna de Vielha veirà melhorat eth servici de clavegueram e aigua potabla, en tot suenhar era salut des sòns vesins”, comente eth baile de Vielha e Mijaran, Juan Antonio Serrano.