Notícies Veir istoric
Se presente era app ‘Eth Holet’ ena sala Era Audiovisuau
Eth pròplèu deluns 22 de deseme tàs 19 ores
Eth deluns 22 de deseme se presente era aplicacion multimèdia ‘Eth Holet’ ena sala Era Audiovisuau de Vielha tàs 19 ores dera man deth baile Vielha e Mijaran, Alex Moga e deth cientific deth CSIC Lluís Camarero. Aguesta app s’a desvolopat laguens deth programa Sud’Eau 2 entà hèr préner consciéncia ara poblacion sus era importància des mejans aquatics.
Eth Holet ei un personatge dera mitologia aranesa, que mos amie, a trauèrs d’aguesta aplicacion multiplataforma (Android, IOS e HTML5), ath long de disparièrs itineraris relacionadi damb er entorn naturau e er auviatge aquatic dera Val d’Aran. Aguest simpatic èsser mos descorbís toti es secrèts e punts d’interès que podem trapar pendent era nòsta trauèssa pes paisatges deth nòste país.
Era conferéncia, que començarà entàs 19 ores en Era Audiovisuau, era antiga sala de cinèma de Vielha, includís un bon aperitiu ara fin dera charrada.
Era entrada ara conferéncia ei gratuïta e se demore fòrça assisténcia de vesins dera Val d’Aran, a on era aigua ei un auviatge clau laguens deth sòn miei naturau e sòci-economic.
Aguest eveniment se trape laguens deth marc deth projecte Sud’Eau 2 e preten hèr préner consciéncia ara ciutadania sus era importància dera preservacion dera aigua e es arrius.