Notícies Veir istoric
Er Ajuntament de Vielha e Mijaran prorròge es convènis annaus damb es desparières associacions municipaus
Er Ajuntament de Vielha e Mijaran a aprovat era prorròga des convènis annaus qu’eth consistòri manten damb es desparières associacions municipaus. D’aguesta manèra, s’esten un an mès era collaboracion der Ajuntament damb aqueres associacions municipaus restacades damb er espòrt, era musica, era cultura, era joenessa, es servicis sociaus, er ensenhament e era cooperacion entre d’auti airaus.
Aguesti convènis son laguens dera Ordenança Municipau reguladora de subvencions aprovada peth Plen deth dia 22 de deseme de 2005 e modificada per Acòrd de Plen deth dia 26 de seteme de 2007, per Acòrd de Plen de seteme de 2014, e per Acòrd de Plen d’abriu de 2018. Aguesti convènis auràn ua vigéncia d’un an e es parts poderàn acordar, pendent era vigéncia deth convèni, era sua prorròga entà futurs exercicis.
“Es desparières associacions qu’auem en Vielha e Mijaran son fòrça importantes entath desvolopament de fòrça activitats enes diuèrsi airaus sociaus deth municipi, e qu’ajuden ena implicacion dera ciutadania. Per açò, des der Ajuntament credem qu’ei de besonh contunhar en tot mantier aguesta collaboracion damb eres, entà que poguen amiar a tèrme era sua activitat damb normalitat”, comente eth baile de Vielha e Mijaran, Juan Antonio Serrano.
18/02/2019