Notícies Veir istoric
2au Concors de Twitter de conde encadeat tà Sant Jòrdi dera Bibliotèca Generau de Vielha
S’auetz compde en Twitter ja podetz participar enquiath 20 d’abriu en concors de conde encadeat qu’organizen er Ajuntament de Vielha e Mijaran e era Bibliotèca Generau de Vielha en motiu dera hèsta de Sant Jòrdi
Ja se trape en marcha era 2au edicion deth Concors de Twitter de conde encadeat de Sant Jòrdi qu’organizen era Bibliotèca Generau de Vielha amassa damb er Ajuntament de Vielha e Mijaran.
S’auetz compde en Twitter ja podetz participar en 2au concors de conde encadeat qu’organizen er Ajuntament de Vielha e Mijaran e era Bibliotèca Generau de Vielha en motiu dera hèsta de Sant Jòrdi.
Entà participar-i, cau que mos seguisques en Twitter, ’piules’ (en 280 caractèrs) eth tòn conde e l’envies tà @bibliovielha en tot seguir eth hiu argumentau des tèxtes anteriors, a compdar deth prumèr, que vos propòse era Bibliotèca Generau de Vielha:
"Arren, que non ac trobauen... E guarda qu’auien cercat e recercat pertot: enes estatgères, enes expositors, enes calaishi... en toti es cornèrs dera bibliotèca. A on s’auie podut calar?"
Eth tèma deth relat qu’ei liure, mès cau que sigue de creacion pròpia e que non age estat premiat en d’auti concorsi.
Eth dia 20 d’abriu ei eth darrèr dia entà enviar eth vòste tèxte.
04/04/2019