Notícies Veir istoric
‘Taller de Pesca’ damb Rodrigo González Dávila
Dimèrcles 17 de deseme tàs 19.15 ores ena sedença dera Societat de Caça e Pesca Val d’Aran
Dimèrcles que ven 17 de deseme aurà lòc un ‘Taller de Pesca’ dera man de Rodrigo González Dávila, secretari dera Federació Catalana de Pesca Esportiva i Càsting, ena sedença dera Societat de Caça e Pesca dera Val d’Aran plaçada enes installacions deth Palai de Gèu de Vielha. Era session, que començarà tàs 19.15 ores, se tròbe laguens deth projècte Sud’Eau 2 entara conscienciacion sus era importància des mieis aquatics.
González ven a realizar ua session practica d’analisi e debat sus era gestion dera pesca continentau. Entre d’auti aspèctes, tractarà tèmes interessanti: es naues professions, coma es guides de pesca e era pesca de qualitat; e repassarà era naua legislacion, coma eth Plan Idrologic der Ebre e eth Catalòg d’Espècies Invasores.
Tanben analisarà era evolucion deth nombre de permisi e licéncies de pesca; exposarà naues formes de gestion, coma es pròves experimentaus; e parlarà sus es corbassi marins, es algues e d’autes espècies aquatiques.
Era entrada ara conferéncia ei gratuïta e se demore fòrça assisténcia de vesins dera Val d’Aran, a on era aigua ei un auviatge clau laguens deth sòn miei naturau e sòci-economic; e era pesca un entreteniment fòrça abituau.
Aguest eveniment se trape laguens deth marc deth projècte Sud’Eau 2 e preten hèr préner consciéncia ara ciutadania sus era importància dera preservacion dera aigua e es arrius.