Notícies Veir istoric
Aguest dijaus s’a amassat per darrèr viatge eth Plen der Ajuntament de Vielha e Mijaran pendent aguesta legislatura
Aguest pròplèu dissabte, a compdar des 12:00 se constituirà era naua Corporacion Municipau entara naua legislatura 2019-2023, e preneràn possession es sèt presidents des Entitats Municipaus Descentralizades de Vielha e Mijaran
Aué a agut lòc eth darrèr Plen der Ajuntament de Vielha e Mijaran dera actuau legislatura, 2015-2019, qu’ei a punt d’acabar. Damb aguesta session finalize aguesta estapa politica en municipi de Vielha e Mijaran, abans dera constitucion dera naua Corporacion Municipau.
Eth baile de Vielha e Mijaran, Juan Antonio Serrano, a volut arregraïr a cadun des còssos qu’an hèt part dera corporacion, era sua dedicacion ena politica municipau damb eth sòn trabalh entà melhorar era vida vidanta dera ciutadania de Vielha e Mijaran.
Aguest pròplèu dissabte 15 de junh, a compdar des 12:00, se constituirà era naua Corporacion Municipau ena sala d’actes der Ajuntament entara naua legislatura, 2019-2023, e tanben preneràn possession es sèt presidents des Entitats Municipaus Descentralizades de Vielha e Mijaran.