Notícies Veir istoric
Vielha e Mijaran apròve eth sòn Cartipàs Municipau
En prumèr Plen d’aguesta legislatura s’a aprovat era organizacion municipau damb eth foncionament ordinari deth consistòri, en relacion as còssos e as grups municipaus que lo formen
Aguest maitin s’a celebrat ena Sala de Plens der Ajuntament de Vielha e Mijaran, era prumèra session extraordinària deth nau Plen Municipau, ena que s’a aprovat eth Cartipàs Municipau. D’aguesta manèra, eth Plen a aprovat era organizacion municipau entara legislatura 2019-2023.
En prumèr lòc, s’a aprovat era composicion des membres dera Junta de Govèrn Locau, ena que s’a designat a Juan Antonio Serrano coma president, e coma vocaus i formaràn part, Jacint Cuny, Alberto López, Ramon González e Vanesa Fandiño. Atau madeish, tanben s’an designat es tinents d’alcalde, que seràn: Prumèr tinent d’alcalde, Jacint Cuny, dusau tinent d’alcalde, Alberto López, tresau tinent d’alcalde, Ramon González e quatau tinent d’alcalde, Vanesa Fandiño.
Per un aute costat, tanben s’a establit era periodicitat des sessions ordinàries deth Plen, que s’amiaràn a tèrme eth darrèr dimèrcles (non hestiu) de cada mes senar, entàs 10 ores deth maitin ena Sala de Plens der Ajuntament municipau.
Tanben s’a aprovat era creacion e compausacion dera Comission Informatiua permanent, qu’en foncion dera representacion des diuèrsi grups municipaus deth Plen demore dera següenta manèra: 3 representants d’Unitat d’Aran, 1 de Convergéncia Democratica Aranesa e 1 d’Aran Amassa, e que serà presidida peth baile, Juan Antonio Serrano.
En Plen tanben s’an creat es diuèrsi Grups Municipaus. Entà d’aguesta legislatura n’i aurà tres: Unitat d’Aran (portavotz Alberto López López), Convergéncia Democratica Aranesa (portavotz Pau Perdices) e Aran Amassa (portavotz Julián Fernández).
E en çò que tanh as membres dera Comission Especiau de Compdes, Unitat d’Aran serà representada per Jacint Cuny, Convergéncia Democratica Aranesa per Pau Perdices e Aran Amassa per Julián Fernández.
21/06/2019