Notícies Veir istoric
Era conferéncia ‘El Garona, unión entre culturas: France/Val d’Aran’ de Fabienne Sans, en Vielha
Diuendres 26 tàs 20 ores ena sala de plens der Ajuntament
Aguest diuendres 26 de seteme, era sala de plens der Ajuntament de Vielha acuelh entàs 20 ores era conferéncia de Fabienne Sans, membre deth Syndicat Mixte d’Études et d’Aménagement de la Garonne (SMEAG), titolada “El Garona, unión entre culturas: France/Val d’Aran”, en un nau eveniment laguens deth Sud’Eau 2.
Sans ven a presentar-mos es accions realizades, a compdar der an 2000, entre França e Espanha entà conéisher mielhor er arriu Garona, compartir aguesta coneishença e apropar as ciutadans er arriu que compartim.
Er SMEAG a trabalhat amassa damb es comunitats vesies e espanhòles coma era Val d’Aran e Catalonha entà gerir de manèra coordinada era conca deth Garona. Es prumèrs escambis s’amièren a tèrme ara fin des ans 90 entà desvolopar ua cooperacion efectiva basada ena solidaritat.
Era entrada ara conferéncia ei gratuïta e se demore fòrça assisténcia de vesins dera Val d’Aran, a on era aigua ei un auviatge clau laguens deth sòn miei naturau e sòci-economic.
Aguest eveniment se trape laguens deth marc deth projecte Sud’Eau 2 e preten hèr préner consciéncia ara ciutadania sus era importància dera preservacion dera aigua e es arrius.