Notícies Veir istoric
Er autobús dera rota circulara “Reiaume der Aneto” que connècte Benasque, Luchon e Vielha torne a èster en foncionament entre junhsèga e octobre
Aguesta iniciatiua includida laguens deth projècte Interreg-POCTEFA vò promòir es tres destinacions e es gessudes en Vielha son programades entàs 10:00 e entàs 18:15
Per dusau an, er autobús dera rota ciculara “Reiaume der Aneto” que junh es localitats de Benasque, Luchon e Vielha torne a èster en foncionament. Aguest trajècte includit laguens deth projècte Interreg-POCTEFA vò promòir es tres destinacions pendent es mesi de junhsèga e d’octobre.
En junhsèga eth servici d’autobús ei en foncionament toti es dimèrcles e dissabtes, en agost ei operatiu es dimèrcles, dissabtes e dimenges, mentre qu’en seteme e octobre sonque s’emplegue es dissabtes.
Era parada en Vielha ei plaçada ena Avenguda Calbetó Barra, a on abituaument a lòc era parada des autobusi de linha dera Val d’Aran autant de pujada coma de baishada. Aguest transpòrt compde damb dus servicis ath long deth dia: Eth d’anada ges de Benasque entàs 8:30 ores, en tot passar per Vielha tàs 10 ores e arribada en Luchon entàs 11 ores, e era tornada ges der Hospice de France tàs 15 ores, en tot passar per Luchon tàs 17:30 ores, Vielha tàs 18:15 ores e arribada en Benasque tàs 20 ores.
Era enterpresa encargada d’aufrir eth servici ei Autocares Pirineos 3000 SLU, e entà poder viatjar en autobús ei de besonh amiar a tèrme era resèrva prèvia en telefòn 669702300, en tot contactar en corrèu electronic: pirineos3000@conectandovalles.com o ena plana web: www.benasquevielhaluchon.com, a on traparatz tanben mès informacion sus aguest servici.
Segontes eth còsso de Torisme de Vielha e Mijaran, Alberto López, “dempús der exit deth servici d’autobús der an passat, enguan contunham damb aguesta accion que supause ua grana escasença entà promòir conjuntament es tres destinacions que formen part deth projècte Interreg-POCTEFA: Benasque, Luchon e Vielha”.
12/07/2019