Notícies Veir istoric
Eth 20 de junhsèga se dispute era 5au edicion dera corsa de BTT Era Ròda Non Stop
I aurà 3 modalitats: Ultramarathon (140kms), Doble Marathon (100 Kms) e Marathon (63kms), en tot trauessar bona part des païsatges de Vielha e Mijaran
Aguest pròplèu dimenge 17 de junhsèga arribe ua naua edicion dera pròva de BTT Era Ròda Non Stop, qu’enguan celèbre era 5au edicion. Ua pròva que compde damb 3 modalitats: Ultramarathon (140 kms), Doble Marathon (100 kms) e Marathon (63 kms), damb gessuda e arribada en Salardú.
Era Ròda Non Stop trauèsse era totalitat des terçons dera Val d’Aran, en tot auer Vielha e Mijaran coma un des municipis principaus, pr’amor que passe per bona part des sòns païsatges, en tot auer plaçadi avitualhaments en Arròs, Pomaròla e Vielha.
I aurà un totau 3 categories: Elèit, BTT e e-Bike, autant masculin coma femenin. Es talhs oraris enes avitualhaments seràn es següents: Vilamòs entàs 13:00, Bossòst entàs 15:00, Arròs entàs 16:30 e Vielha entàs 18:45.
Diuendres 19 de junhsèga s’amiarà a tèrme eth briefing oficiau dera corsa ena Sala Era Audiovisuau de Vielha, entàs 19:00.