Notícies Veir istoric
Ja ei daurit eth tèrme entà tramitar es forfaits de Baqueira-Beret entara tempsada 2019/2020 as residents de Vielha e Mijaran
Coma nauetat, enguan es sollicituds s’auràn de formalizar enes burèus de Baqueira 1500, enquiath pròplèu 18 d’octobre
A compdar d’aguest 18 de seteme, Baqueira-Beret a daurit eth tèrme entà tramitar es forfaits entara tempsada 2019/2020 as residents de Vielha e Mijaran damb ua antiguitat minima de 5 ans.
Enguan, coma nauetat, es sollicituds s’auràn de formalizar enes madeishi burèus de Baqueira dera còta 1500. Eth tèrme serà daurit enquiath pròplèu 18 d’octobre.
Es forfaits e prètzi enta d’aguesta tempsada son: Adults residents majors de 25 ans (700€), Adults entre setmana (500€), Universitaris o joeni de 18 a 25 ans includidi (500€), Infantils residents de 6 a 11 ans includidi (130€), Juvenils residents de 12 a 17 ans includidi (130€), Joeni aranesi entre setmana de 18 a 22 ans includidi (130€), Majors de 70 ans (36€) e Menors de 6 ans (36€).
Era documentacion obligatòria qu’ei de besonh presentar en moment dera sollicitud: Es impresi degudament ramplidi e signadi que traparatz enes burèus de Baqueira 1500, ua fotografia actuau (tipe carnet), fotocòpia deth DNI, fotocòpia dera plana 1 dera darrèra declaracion dera Renta o Certificat Laborau, Certificat d’empadronament istoric.
Entath forfait universitari cau ua fotocòpia dera matricula deth curs 2019/2020, entàs menors de 6 ans e es adults majors de 70 ans calerà acreditar era edat damb document oficiau (Libre de Familha, DNI, Passapòrt).
Eth pagament deth forfait se harà enes burèus de Baqueira 1500 (en efectiu, targeta o transferéncia).
19/09/2019