Notícies Veir istoric
Era Generalitat de Catalunya incremente es rebuts dera aigua a trauès deth canon de sanejament
Enguan, en Vielha e Mijaran, se passe deth prumèr tram deth canon de sanejament dera aigua ath dusau tram a causa der excès de consum
En 2019, eth prètz deth canon de sanejament dera aigua que se pague en Vielha e Mijaran ara Agència Catalana de l’Aigua (ACA) a aumentat considerablament, en tot supausar un increment apuprètz de 40€ annaus enes rebuts. En çò que tanh ara taxa municipau de mantenement deth hilat d’aigua, se manten er impòrt respècte ath darrèr exercici, un impòrt de 33€. Ath delà, aguest ei eth prumèr an qu’aguesti dus concèptes arriben en un unic rebut e anteriorament arribauen en dus.
Segontes era nòrma dera
Generalitat de Catalunya que regule eth canon de sanejament dera
aigua, era basa imposabla deth madeish s’a de determinar, en generau
e damb caractèr preferent, peth volum d’aigua utilizada mejançant
contadors
omologats
(estimacion dirècta). Mès
en cas de municipis a on eth canon dera aigua non se declare en basa
ad aguesta opcion, per non compdar damb era installacion de
contadors, s’a de hèr ua estimacion indirècta
de dita basa imposabla mejançant era aplicacion d’uns trams.
En municipi de Vielha e Mijaran an
utilizat aguesta dusau opcion per non auer contadors installadi e
enquiar exercici 2018 s’a determinat era basa imposabla deth canon
de sanejament dera aigua mejançant era aplicacion deth prumèr tram
qu’establís ua dotacion de 9m3/mes, un totau de 108m3/an, çò que
representaue un rebut de 91,64€ (33€ Ajuntament + 58,64€
Generalitat) e a compdar d’aguest exercici 2019, s’aplique tanben un
dusau tram qu’establís ua dotacion de 3m3/mes, un totau de 36 m3/an
que representen 136,66€ (33€Ajuntament + 103,66€ Generalitat).
Es
dependéncies der Ajuntament de Vielha e Mijaran son ara vòsta
disposicion entà quinsevolh consulta o esclariment sus eth tèma.