Notícies Veir istoric
Era brigada municipau de Vielha e Mijaran a amiat a tèrme trabalhs de neteja e mantenença des cementèris municipaus de cara ara hestivitat de Tot Sants
Pendent aguesti darrèri dies, era brigada municipau de Vielha e Mijaran a amiat a tèrme es tradicionaus trabalhs de mantenença e neteja des desparièrs cementèris municipaus, damb motiu dera celebracion dera hestivitat de Tos Sants. S’an realizat trabalhs de segat, pòda e neteja des tretze cementèris que formen part deth municipi.
Er 1 de noveme, coma ei abituau, es familhars e amics visiten as sòns estimats que son enterradi en municipi, entà depositar-i flors e plantes, en tot deishar es cavòts endreçadi e ben guarnidi. Ei per açò, que des der Ajuntament de Vielha e Mijaran s’an amiat a tèrme trabalhs d’endreçament de toti es espacis qu’endraben as cementèris municipaus.
“Des der Ajuntament auem realizat trabalhs de neteja e mantenement des cementèris municipaus, coma ei abituau, entà qu’era gent pogue visitar as sòns èssers estimadi, enes melhors condicions possibles, deuant d’ua jornada ena que se demore que i age fòrça movement pes cementèris de toti es pòbles de Vielha e Mijaran”, comente eth còsso d’òbres e servicis, Jacint Cuny.
01/11/2019