Notícies Veir istoric
Recepcion deth Gran Canaria
En Ajuntament de Vielha e Mijaran
Eth dijaus 25 de seteme, er Ajuntament de Vielha e Mijaran a arrecebut ara expedicion der Herbalife Grana Canària, equipa de basquetbòl dera ACB, que realize un stage de pretemporada en cap-lòc dera Val d’Aran.
Eth còsso d’espòrts, Agustin Calbetó, a volut “arregraïr er espectacle qu’aufríretz ager en Palai d’Espòrts –en partit ath deuant er Andòrra–, era vòsta amabilitat e qu’ajatz escuelhut eth nòste país coma destinacion esportiua. Demoram que pogatz tornar mès viatges”. “Vos desiram fòrça exits e èm ath vòste costat entà ajudar-vos eth tot çò qu’eth nòste entorn vos pogue aufrir”, apuntèc Calbetó.
Era expedicion deth Gran Canària a estat dirigida peth sòn entrenador Aíto García Reneses, tota ua legenda en basquetbòl espanhòu damb nau títols de Liga, cinc Copes deth Rei e mès de 40 ans en tot trabalhar coma tecnician.
Er Ajuntament a aufrit un detalh a cada membre dera expedicion canària, e eth conjunt jaune a arregraït era acuelhuda damb ua camiseta signada pes jogadors.