Notícies Veir istoric
Amassada de coordinacion dera 7au Corsa dera Hemna
Er Ajuntament de Vielha e Mijaran a acuelhut era amassada damb es desparières institucions e còssi de seguretat entà planificar era organizacion dera corsa deth 8 de març en Vielha
Aguest maitin, era sala de
plens der Ajuntament de Vielha e Mijaran a acuelhut era amassada de coordinacion
dera 7au Corsa dera Hemna qu’organize eth Conselh Generau d’Aran, e qu’aurà lòc
eth pròplèu 8 de març pes carrèrs de Vielha, entà commemorar eth Dia
Internacionau dera Hemna.
Ena amassada i an estat
presents es diuèrses institucions que formen part dera organizacion d’aguest
eveniment (eth Conselh Generau d’Aran a trauès deth Servici d’Informacion e
Atencion ara Hemna e era Oficina de Joenessa, er Ajuntament de Vielha e Mijaran
e es Volentaris d’Aran), atau coma es responsables dera seguretat, a cargue
deth còs des Mossos d’Esquadra damb era collaboracion dera Brigada e es
Vigilants Municipaus de Vielha e Mijaran.
02/03/2020