Notícies Veir istoric
Er Ajuntament de Vielha e Mijaran e eth Conselh Esportiu Val d’Aran lancen era activitat “Espòrt Popular en casa” damb exercicis entà mantier-se actius pendent er estat d’alarma
Cada setmana se publicaràn enes hilats sociaus diuèrses rotines damb recomanacions d’exercicis que se pòden realizar des de casa damb objèctes que se tròben en domicili e que s’implementaràn pendent eth confinament
A
compdar d’aguesta setmana, er Ajuntament de Vielha e Mijaran e eth Conselh Esportiu Val d’Aran comencen era activitat “Espòrt Popular en
casa” damb un conjunt d’activitats que se pòden realizar des deth domicili
mentre dure eth confinament establit per estat d’alarma en vigor, coma
conseqüéncia dera prevencion de contagion deth coronavirus COVID-19.
Aguesta
activitat se desvoloparà pendent aguest periòde excepcionau damb diuèrses
publicacions a trauès des hilats sociaus, damb desparières rotines que se pòden
amiar a tèrme des de casa, damb objèctes que toti/es pòden
disposar en larèr.
Er
objectiu ei aufrir recomanacions d’exercicis fisics entà mantier-se actiu
mentre dure eth periòde der estat d’alarma, damb ua vida saludabla e
poder divertir-se en familha en tot practicar espòrt.
“Damb aguest programa d’activitats fisiques,
pretenem qu’es vesins/es de
Vielha e Mijaran dispòsen d’un materiau basic damb exercicis simples que se
pòden realizar des des sòns larèrs entà mantier ua vida saludabla e activa”, comente eth dusau tinent d’alcalde e còsso
d’espòrts de Vielha e Mijaran, Alberto López. E ahig que “ei ua grana oportunitat entà divertir-se en familha, en tot practicar un
shinhau d’exercici amassa en un moment complicat qu’auem d’en eth mantier-mos
en casa”.