Notícies Veir istoric
Vielha e Mijaran destinarà pròp de 400.000€ entà atier emergéncies de caractèr sociau e economic
Er equip de govèrn trabalhe en un plan de mesures entà incentivar era economia e era assisténcia sociau ena situacion dera Covid-19
Er equip de govèrn der Ajuntament de Vielha e
Mijaran pòrte diuèrses setmanes en tot trabalhar en diuèrses accions entà ajudar a frenar es
efèctes dera crisi provocada pera Covid-19, entre es que i a ua prepausa entara pròplèu
modificacion de crèdit deth pressupòst municipau de pròp de 400.000€, que
preten atier emergéncies de caractèr sociau e economic qu’en aguesti moments
patís era poblacion.
Entre es mesures se tròben ajudes a familhes en
risc d’exclusion sociau, era crompa de neurituds e productes de prumèr besonh e
subvencions a enterpreses, pymes e autonòms. D’aute biais, tanben se preten
fomentar era contractacion de personau damb era implementacion e ampliament d’un Plan Aucupacionau. Er
equip de govèrn a informat as desparièrs grops dera oposicion municipau, en tot
presentar-les era prepausa de modificacion de crèdit, en tot detalhar es
principaus linhes de trabalh des ajudes previstes.
Des der inici der estat d’alarma, eth govèrn
municipau a dedicat bona part des sòns esfòrci en tot aplicar mesurades d’ajuda
a familhes qu’ac an de besonh de
Vielha e Mijaran entà superar es problèmes economics que se deriven dera Covid-19. En
aguest sens, se procedic a retornar pròp de 45.000€ des desparièrs abonatges
des usatgèrs que deishèren d’utilizar era installacion deth Palai de Gèu dempús deth sòn barrament. D’auta banda,
tanben s’amièc a tèrme ua reduccion importanta deth consum energetic des
desparièrs equipaments municipaus, sustot deth Palai de Gèu, damb eth corresponent estauviament
economic municipau.
Ath delà, tanben se procedic ara prorròga deth periòde de pagament de diuèrses taxes fiscaus a trauès der Organisme Autonòm dera Diputació de Lleida, entà ajudar as vesins/ies en un moment economic e laborau complicat.
“Era
crisi sanitària dera Covid-19 a generat ua crisi economica qu’afècte
a fòrça familhes de Vielha e Mijaran, que s’an quedat sense trabalh e/o que
passen per problèmes entà arribar a fin de mes. Per açò, er equip de govèrn vò
ajudar ad aguestes familhes damb ua importanta injeccion de capitau public
destinat a melhorar era sua situacion damb un paquet de mesures entàs pròplèu
mesi”, comente
eth Baile de Vielha e Mijaran, Juan Antonio Serrano. E ahig que “en aguesti moments ei quan era ciutadania
deth municipi mès a de besonh dera solidaritat que s’a demostrat tostemp e anam
a seguiram en tot aufrir era nòsta collaboracion com auem tostemp hèt”.
13/05/2020